Версия для слабовидящихҚұрметті әріптестер, қадірлі достар!
«Қазтелерадио» АҚ сіздерді кәсіби мерекелеріңіз – Бұқаралық ақпарат құралдары қызметкерлері күнімен шын жүректен құттықтайды!
Сіздердің еңбектеріңіз баға жетпес. Сіздер – еліміздің көзі мен құлағысыздар, маңызды оқиғаларды жедел әрі объективті түрде жариялап, қоғамдық пікірді қалыптастырып, халықты ақпаратпен қамтамасыз етесіздер. Сіздің еңбегіңіздің арқасында әрбір қазақстандық елдегі жағдайдан хабардар болып, түрлі ақпарат пен сараптаманы алады.
Қазіргі заманда БАҚ-тың рөлі күн санап артып келеді. Сіздер жаңа технологияларды игеріп, журналистиканың биік деңгейін сақтай отырып, заманауи сын-қатерлермен табысты күресіп келесіздер.
Сіздерге сарқылмас шабыт, өткір материалдар, қызықты репортаждар, кәсіби табыс, зор денсаулық пен амандық тілейміз! Еңбектеріңіз әрдайым жоғары бағаланып, аудиторияларыңыз арта берсін!
Мерекелеріңізбен!
Құрметпен,
«Қазтелерадио» АҚ ұжымы
